Close

پنځه حسه ـ د ماشومانو شعر

source of image: http://thumbs.dreamstime.com/z/five-senses-kids-19438104.jpg

دغه او د ماشومانو له پاره ګڼ شمېر نور منظوم او منثور مواد پر کوچنی ټکی کام kochnai.com هم موندلای سئ.

 حسه پنځه دي د انسان
احساسوي په ځان جهان
حس يو د سترګو بينايي ده
حس د ړنا او تاریکي ده
ليدل په سترګو باندي کيږي
مور پلار دوستان په ليدل کيږي
د انسان بل حس اورېدل دي
په غوږو ږغ احساسېدل دي
و اورېدو ته دي غوږونه
ښايسته خبري ښه ږغونه
بويول بل حس د انسان دی
په وږمو ښکلی ګلستان دی
احساسوي يې پوزه بوی
وږمه د ګل او ناپاکۍ
بل حس د ژبي د خولې خوند دی
په خوندور د انسان ژوند دی
مالګي تروې ګوړي خوږې دي
د خوند په حس ټولي مزې دي
يو بل مهم حس لمسول دي
د زيږ او ښوی احساسول دي
د يخ و ګرم فرق په کيږي
په لوند او وچ پوست زموږ پوهيږي
شکر پکار دی هر انسان ته
حسه پنځه چي لري ځان ته
په پنځو حسو کي بايد وي
تقوا دي زما او ستا قايد وي

احمدولي اڅکزی، د ۲۰۱۶م کال د اپريل ۲۴مه نېټه، بون

 

هيله: که مو دغه مطلب خوښ سوی وي نو هيله ده چي په فيسبوک کي يې share کړئ.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
يو دوه ـ د ماشومانو شعر
لس موږکان ـ د ماشومانو لپاره منظوم نکل
پاچا، وزير، غلام او ړوند سړی ـ منظوم نکل
څلور دي کال کي موسمونه ـ د ماشومانو شعر
د ملالۍ نانۍ خور ـ د ماشومانو شعر

 

خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...