Close

ايکاروس (ژباړه له يوناني اساطيرو) ـ منظوم نکل

source of image: https://upload.wikimedia.org/wikipedia/commons/f/f5/'The_Fall_of_Icarus',_17th_century,_Mus%C3%A9e_Antoine_Vivenel.JPG

 دغه او ګڼ شمېر نور د ماشومانو له پاره منظوم او منثور نکلونه پر www.kochnai.com باندي موندلای سئ

ؤ دايدالوس په خپل تخليق کي زنداني
هزارتو(۱) داسي کي چي ؤ غېر جهاني
مينوس پاچا ؤ بندي کړی دا عالم
دا دريافتګر څښتن د هسک عقل سالم
زوی ايکاروس يې هم بندي ؤ په دې جال کي
د زرو لارو زر منزلو په جنجال کي
دايدالوس فکر وکړ زيات و دې قضيې ته
بالآخر ورسېد هغه دې نتيجې ته
چي ځان او زوی ته کړي دی طرحه وزرونه
بيا يې راټول کړل موم شمان او ډېر پرونه
پر او بڼکي د مرغانو يې سره بند کړل
پر بازوګانو يې په موم سره پيوند کړل
زوی ايکاروس ته يې بيا وکړ نصيحت
نه به پرواز کوې ډېر ټيټ او نه اوچت
له ټيټ پروازه به لانده سي ستا وزر
په هسک پرواز کي به يې وسوځي سور لمر
پر پر پرواز وکړ بيا پلار زوی له زندانه
د دايدالوس عقل مشکل کړلی آسانه
د کريت ټاپو له هزارتو څخه سول پورته
پلار زوی وزر وهل روان ول دوی و کور ته
هر څومره هسک چي تلی هغومره ؤ مسرور
ډېر ايکاروس په خپل پرواز کي سو مغرور
له زيات غرور او تکبره جګېدی
ايکاروس لمر ته وار په وار نژدې کېدی
چي سو نژدې و سورکي لمر ته دا هلک
موم د وزرو يې سول ويلي دی هک پک
ايکاروس ولوېد بې وزر له هسک آسمانه
تېښته يې نه وه د لحد له تور زندانه
د اولنو دا زوړ متل په هرڅه ارزي
وای بد به پرځي، له غروره چي جګ غورځي

احمدولي اڅکزی، د ۲۰۱۶ کال د جولای ۱۳مه نېټه، بون

(۱) هزارتو: لابيورينت

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
پردۍ بڼکي ـ منظوم نکل
کارغه او ګيدړه ـ منظوم نکل
نامانوس بوی ـ منظوم نکل
د ناديده ګانو کلی ـ منظوم نکل
سوی او کيشپ ـ منظوم نکل
دېب په بوتل کي ـ منظوم نکل
کڼه چونګښه ـ منظوم نکل
يوازي نانی ـ د ماشومانو لپاره منظوم نکل
سرزوره منطق ـ منظوم نکل
نکاح د ع و غ ـ منظوم نکل
دوه سادګان ـ منظوم نکل
لس موږکان ـ د ماشومانو لپاره منظوم نکل
وړه زڼه ـ منظوم نکل
تا مسيحيت کړلی افغان ـ منظوم نکل
يا شل پيازه يا شل دُرې ـ منظوم نکل
پاچا، وزير، غلام او ړوند سړی ـ منظوم نکل
زمری او نانی موږک ـ د ماشومانو لپاره منظوم نکل 

خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...