Close

قلم و قلم ته ـ منظوم نکل

source of image: http://hdwallpapeer.com/wp-content/uploads/2015/11/feather_pen-wide.jpg

 ژاړي قلم وايي قلم ته
حيران يم زه و دې ستم ته
زه بازاري سوم په پيسو سوم
ارزښت مي کم په سرو ټکو سوم
د پتنګانو شمعه نه يم
په تاريکۍ کي ډېوه نه يم
منبع د علم پوهي نه يم
جام زه د حق د کوهي نه يم
جوړ سوم اوزار د ظالمانو
يم ستمګر پر کمزورانو
ژاړم زه خپل پر حالت ژاړم
د خپل عفت پر ميت ژاړم
دويم قلم ورته ګویان سو
ويل مطرح چي کوم بيان سو
پکښي چي ګډ نن هر ښاغلی
هغه دی اوږد او ډېر پېچلی
خو د حل لاره يې ساده ده
و هر قلم ته توصيه ده:
بيکاره هغه سياهي ده
ضايع ضايع هم رسوايي ده
پر ښو چي امر یو څوک نه کړي
له بدو منعه چي څوک نه کړي
واوره قلمه اې غمګينه
وينا ښايسته او نازنينه
و هر تاريک ژوند ته ده شمعه
ښو ته بلل له بدو منعه


احمدولي اڅکزی، د ۲۰۱۶ کال د جولای ۲۴مه نېټه، بون 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
تور مُلا او سپين مُلا ـ منظوم نکل
پيری ـ منظوم نکل
ايکاروس (ژباړه له يوناني اساطيرو) ـ منظوم نکل
پردۍ بڼکي ـ منظوم نکل
کارغه او ګيدړه ـ منظوم نکل
نامانوس بوی ـ منظوم نکل
د ناديده ګانو کلی ـ منظوم نکل
سوی او کيشپ ـ منظوم نکل
دېب په بوتل کي ـ منظوم نکل
کڼه چونګښه ـ منظوم نکل
يوازي نانی ـ د ماشومانو لپاره منظوم نکل
سرزوره منطق ـ منظوم نکل
نکاح د ع و غ ـ منظوم نکل
دوه سادګان ـ منظوم نکل
لس موږکان ـ د ماشومانو لپاره منظوم نکل
وړه زڼه ـ منظوم نکل
تا مسيحيت کړلی افغان ـ منظوم نکل
يا شل پيازه يا شل دُرې ـ منظوم نکل
پاچا، وزير، غلام او ړوند سړی ـ منظوم نکل
زمری او نانی موږک ـ د ماشومانو لپاره منظوم نکل 

خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...