Close

خر او پاچهي ـ منظوم نکل

source of image: http://www.aglakadam.org/images/blog/The_Lion_and_the_Donkey.jpg

 

نن له ځنګله مي راوړې افسانه ده
رشتيا که نه ده خو د پند يو خزانه ده
وايي يو وخت خر و زمري ته سو ګويان
ژړا کوله يې مله مله د خپل بيان
ويل دا ستا د ځنګل څه چي حيوانان دي
بس ټوله ورځ دوی زما په هکله په بيان دي
څوک راته وايي چي زه خر يم او احمق يم
څوک بیا دا وايي پر خرتوب باندي زه کلک يم
دوی چي دا خپل تر منځ ښکنځل سره کوي نو
دا زما په نوم باندي يو بل دوی يادوي نو
راته ښيي داړي تېرې څه چي ليوان دي
راباندي ګرځي کرۍ ورځ څه چي مرغان دي
له بيري خوب کولای نه سم زه بېرېږم
نور نو له سيوري څخه خپل سم زه ډارېږم
زه نور پښېمان له دې ژوندونه يم بېزاره
دا نو څه ژوند دی چي شهرت لرم بېکاره
ته داسي وکړه ما يو څو ورځي باچا کړه
له ستړي ژونده مي يو څو هفتې هوسا کړه
زمري پر وخندل چي دا څنګه منطق دی
له کومه وخته شينکی خر صاحب ناطق دی
دا چي ته خر يې زېږېدلی دا رشتيا دي
خو د خرتوب ټول صفتونه ذمه ستا دي
خر خو حيوان په شان د نورو يو حيوان دی
دا چي خرتوب کوي نو پړن خپله پر ځان دی
نور خرتوبونه ستا که هېر کړم یو پاتيږي
ستا دا خرتوب به زما هيڅکله نه هيريږي
چي له زمري ته تقاضا د پاچهي کړې
ته له خرتوبه خرتوبي لويه سهي کړې
داسي ځنګل داسي نظام به چيري وي؟
خر چي باچا وي رعایا يې زمري وي
نه ثانيه نه دقيقه او نه ساعت يو
باچا مني څوک شينکی خر خپل بې عزت يو
باچا هغه وي چي طالب د قدرت نه وي
هغه خاکسار وي د بازار بې عزت نه وي
خر په خرتوب باندي ښه ښکاري لوی غوږونه
خدای دي ورنه کړي شينکي خر ته لوی ښکرونه
پر کمزورانو به کوي ډارن ظلمونه
وخت چي د ننګ وي نو به نه کوي ننګونه
نه راولي دي خدای هيڅ وخت داسي وختونه
پر دې ځنګل چي خر بې ننګ کوي امرونه

 

د روسي نکل «Осел хочет стать королем» څخه منظومه ژباړه

 

احمدولي اڅکزی، د ۲۰۱۶ کال د سپتامبر لومړۍ نېټه، بون


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
د ښامار هګۍ ـ منظوم نکل
د سپي او بيزو پاچهي ـ منظوم نکل
موږک پهلوان ـ د ماشومانو منظوم نکل
حلال چينايي ـ منظوم نکل
له بلي نړۍ ـ منظوم نکل
د پردېس سلاته ـ منظوم نکل
سوالګر او سخي ـ منظوم نکل
ژوند او هنر ـ منظوم نکل
منطق او تعليم ـ منظوم نکل
دوه سره يو بوک ـ منظوم نکل
ازلي وږي او ښادي ـ منظوم نکل
د کوزدې جرګه ـ منظوم نکل
اوه بزګړي او شرمُښ ـ منظوم نکل
قلم و قلم ته ـ منظوم نکل
تور مُلا او سپين مُلا ـ منظوم نکل
پيری ـ منظوم نکل
ايکاروس (ژباړه له يوناني اساطيرو) ـ منظوم نکل
پردۍ بڼکي ـ منظوم نکل
کارغه او ګيدړه ـ منظوم نکل
نامانوس بوی ـ منظوم نکل
د ناديده ګانو کلی ـ منظوم نکل
سوی او کيشپ ـ منظوم نکل
دېب په بوتل کي ـ منظوم نکل
کڼه چونګښه ـ منظوم نکل
يوازي نانی ـ د ماشومانو لپاره منظوم نکل
سرزوره منطق ـ منظوم نکل
نکاح د ع و غ ـ منظوم نکل
دوه سادګان ـ منظوم نکل
لس موږکان ـ د ماشومانو لپاره منظوم نکل
وړه زڼه ـ منظوم نکل
تا مسيحيت کړلی افغان ـ منظوم نکل
يا شل پيازه يا شل دُرې ـ منظوم نکل
پاچا، وزير، غلام او ړوند سړی ـ منظوم نکل
زمری او نانی موږک ـ د ماشومانو لپاره منظوم نکل

خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...