Close

ورور که پنير ـ د ماشومانو منظوم نکل

source of image: http://wallpaperpixel.com/thumbnail/55/11/two-mice-in-danger-of-a-cat-preview.jpg

 دغه او ګڼ شمېر نور د ماشومانو منظوم او منثور نکلونه پر www.kochnai.com هم لوستلای سئ.

دوه موږکان ول راوتلي له خپل غاره
دوی کښل بويان له تورې شپې بيا تر سهاره
ستړي ول دواړه دغه ورونه بې حسابه
باندي راغلې چي وه ورځ وږې خرابه
غوږونه يې شک سول پاته نه سول دوی زهير
پر يو ډېران کله چي يې وموند لوی پنير
خو د پنير پر وېش د دواړو شورماشور سو
فتنه رامنځ ته سوه د دواړو زور ما زور سو
يوه پيشي په دغه حال کي سوه حاضره
جګ جګ برېتونه په سرو سترګو سوه ناظره
پيشو ويل ستاسو تر منځ به زه قاضي سم
ستاسو په سوله به رشتيا زښته راضي سم
همدا ؤ دواړه موږکان په دې رضا سول
له پيشوګۍ څخه غوښتونکي د قضا سول
پيشو هم وويشی پنير پر غبرګو برخو
کوچنۍ يوه وه بله لويه وه له برخو
وړه ټوټه چي موږک کوم کړله تر لاسه
په احتجاج او په لانجو سو په اخلاصه
د کوم موږک چي سوه ټوټه په نصيب لويه
هغه ويل چي خلاص مي کړه د پلار له زويه
همدا ؤ وتړی پيشو لومړی موږک ژر
دويم يې وخوړی لومړی سو لا هک پک ژر
پيشو بيا وخوړ ټول پنير او په خندا سوه
موږک تړلي ته نژدې او په نڅا سوه
پيشي موږک ته ويل اې کوچنی کم عقله
ورور مي ستا وخوړی ته پاته يې بد شکله
دا ستا په سترګو کي چي وينم زما هيبت دی
ستا د ورور وروسته اوس نو ستا واری نوبت دی
تر ورورګلوۍ ورته مهم چي نس او مال وي
ذليل به مړه وي تل مدام به يې دا حال وي


احمدولي اڅکزی، د ۲۰۱۶ کال د سپتمبر ۲۳مه نېټه، بون 

 

اصلاح سوې بڼه:

یوه کیسه درته کوم د موږکانو
د دوو وروڼو د کوچنیو حیوانانو
وه له غآره را وتلي په خوړو پسي
وږي سوي وه په غار کي په کورو کي
هرې خواته یې کتله بوڅ غوږونه
چي پیدا کړي د خوړلو ګدامونه
شا و خوا به یې سږمې را کشولې
د خپل ژوند لپاره هڅي یې کولي
پر ډیران باندي یې بیا موند یو پنیر
خوشحالې وه سو شروع د ویش بهیر
د پنیر پر ویش د دواړو شورماشور سو
شخړه جوړه سوه نفاق چې یې په کور سو
یوې پشي چي یې له لیري نظاره کړه
ور نژدي سوه او ور لویه یې فتنه کړه
پیشو وویله زه به مو قاضي سم
که واک راکړ دویش زه به په راضې سم
دواړه وروڼه موږکان په دې رضا سول
له پیشو څخه غوښتونکي د قضا سول
پیشو وویشئ پنیر په برخو برخو
یوه ډیره بله لږ سوه د دې برخو
دوړې ټوتې موږک سولو ناراضه
کیسه ولاړه تر جنجال او اعتراضه
بل موږک چي وو راضي له خپل قسمته
د پیشو له قضاوت او عدالته
پر را ږغ کړه چي قاضي دا بل باغي دئ
چي قضا د قاضي نه مني یاغي دئ
خلا صوه مي د خپل پلار او مور د زویه
د ده برخه ته د ځان لپاره بویه
پیشو سمدستي ور وتړل لاسونه
بند پر بند یې ماتول ور اندامونه
بیا پیشو هغه پنیر تر ستونې تیړکړ
له دوو وروڼو یې د عدل نکل هیر کړ
بیا یې څیري په منګولو یو موږک کړ
دا تړلي یې په دې کارو هک پک کړ
پیشو ژبه تیروله پر بریتونو
په خندا وه ،په نڅا، په اتڼونو
ویل عقل مو کوچنی دئ موږکانو
چي وروري تر مال قربان کړئ حیوانانو
ستا بدن به هم د ورور غوندي څیریږي
زما تیره منګول تر تا هم در رسیږي
د موږک چي اندامونه ریږدیدله
د نفاق او فیتنې پایله یې کتله
چي د خیټې او دمال پر سر ورور هیر کړي
دی به هم پیشو په زور تر ستوني تیر کړي

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
د کټ خېزونه ـ د ماشومانو منظوم نکل
پر نس مي درد دی الوۍ ـ د ماشومانو منظوم نکل
هندو مسلمان ـ منظوم نکل
د ځنګل جګړه ـ منظوم نکل
مچمچۍ او زمری ـ منظوم نکل
خواږه شيان ـ د ماشومانو منظوم نکل
خر او پاچهي ـ منظوم نکل
د ښامار هګۍ ـ منظوم نکل
د سپي او بيزو پاچهي ـ منظوم نکل
موږک پهلوان ـ د ماشومانو منظوم نکل
حلال چينايي ـ منظوم نکل
له بلي نړۍ ـ منظوم نکل
د پردېس سلاته ـ منظوم نکل
سوالګر او سخي ـ منظوم نکل
ژوند او هنر ـ منظوم نکل
منطق او تعليم ـ منظوم نکل
دوه سره يو بوک ـ منظوم نکل
ازلي وږي او ښادي ـ منظوم نکل
د کوزدې جرګه ـ منظوم نکل
اوه بزګړي او شرمُښ ـ منظوم نکل
قلم و قلم ته ـ منظوم نکل
تور مُلا او سپين مُلا ـ منظوم نکل
پيری ـ منظوم نکل
ايکاروس (ژباړه له يوناني اساطيرو) ـ منظوم نکل
پردۍ بڼکي ـ منظوم نکل
کارغه او ګيدړه ـ منظوم نکل
نامانوس بوی ـ منظوم نکل
د ناديده ګانو کلی ـ منظوم نکل
سوی او کيشپ ـ منظوم نکل
دېب په بوتل کي ـ منظوم نکل
کڼه چونګښه ـ منظوم نکل
يوازي نانی ـ د ماشومانو لپاره منظوم نکل
سرزوره منطق ـ منظوم نکل
نکاح د ع و غ ـ منظوم نکل
دوه سادګان ـ منظوم نکل
لس موږکان ـ د ماشومانو لپاره منظوم نکل
وړه زڼه ـ منظوم نکل
تا مسيحيت کړلی افغان ـ منظوم نکل
يا شل پيازه يا شل دُرې ـ منظوم نکل
پاچا، وزير، غلام او ړوند سړی ـ منظوم نکل
زمری او نانی موږک ـ د ماشومانو لپاره منظوم نکل

خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...