Close

بېرندونکې انجلۍ ـ د ماشومانو منظوم نکل

source of image: http://amzn.to/2kxKFK1

 دغه او ګڼ شمېر نور منثور او منظوم نکلونه پر www.kochnai.com هم لوستلای سئ.

واوا (۱) انجلۍ يوه کوچنۍ وه
د خپلې مور نانۍ (۲) جوجۍ وه
دا خوږکۍ وه پستکۍ وه
د خپل بابا د زړه زړګۍ وه
زياته انجلۍ وه بېرندونکې (۳)
بې جرأته شرميندوکې
مور ويل سه ته دلاوره
پلار ويل سه راته زړه وره
خو انجلۍ تل ويل بېرېږم
له اوخۍ مور (۴) څخه ډارېږم
انا ويل هيڅ اوخۍ نسته
نيکه ويل بلاګۍ نسته
خو انجلۍ نه تله و خپل کټ ته
اوخۍ به راسي ويل څټ ته
ماما يو ورځ راغلی و کور ته
بيا يې ويل د انجلۍ مور ته
راوړې ما يوه اوخۍ ده
له وړۍ جوړه ناوکۍ ده
ډېره کوچنۍ ده پستکۍ ده
بې خوېندکۍ (۵) دا خوارکۍ ده
انجلۍ ته ورکړه دا اوخۍ
دا پستکۍ دا تورکۍ
مور هم خوشاله په دې کار سوه
و خپلې لور ته په ګفتار سوه
ويل دا واخله زما لورکې
د خپل بابا د زړه خوږکې
انجلۍ چي واخيسته اوخۍ
پر ګرانه سوه دغه ګوډۍ
همدا ؤ وويل انجلۍ
په کټ کي غواړم تل اوخۍ
زما خوندکۍ زما خوږکۍ
دا ټنډکۍ دا تورکۍ
ژړاوي نه وې د انجلۍ
اوښکي يې نه وې نه سُلګۍ
نانۍ انجلۍ سوه زوروره
په اوخۍ جانې دا زړه وره
احمدولي اڅکزی، د ۲۰۱۷ کال د فبرورۍ ۱۷مه نېټه
(۱) واوا: ښه
(۲) نانۍ : کوچنۍ، وړه
(۳) بېرندونکې: ژر ډارېدونکې، وېرندونکې
(۴) اوخۍ مور: باګره، بو، بلا، د ماشومانو ويرولو يوه کلمه، اوخ
(۵) خوېندکۍ: خوارخونده، د لوبو ملګرې، خورکۍ

 

 د احمدولي اڅکزي د نکلونو ليسټ او لينکونه
http://bit.ly/2h9CRwc

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه FAQ
http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v

۲۴ وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
ناروغ لېوه ـ د ماشومانو نظم 

خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...