Close

لړم او کشپ ـ منظوم نکل

source of image: https://allaboutjaz.wordpress.com/2013/05/13/the-tale-of-the-scorpion-and-the-turtle/

 دغه او د ماشومانو نور منظوم او منثور نکلونه پر کوچنی ټکی کام www.kochnai.com موندلای سئ.

چي ؤ کشپ ؤ يو صادق او مهربان
کرار کرار هغه پر لاره ؤ روان
د سيند پر آ غاړه لرل کشپ خپلوان
د دوی پوښتني ته هغه ؤ ور روان
کشپ پر لاري ډير حيران سو په يو دم
وليد چي کله يې قوي يو لوی لړم
لړم کشپ ته سلام وکړ ويل ګوره
يو حيوان زه بل حيوان ته يې زما وروره
غواړم چي واوړم تر دې سيند ته مي کومک سه
لامبو مي نه ده زده بېړۍ زما عقربک سه
کشپ هم ومنل ويل وخېژه پورته
جګ زما کاسې ته سه چي ځو د سيند و لور ته
لړم هم پورته سو کشپ ته ټينګ يې ځان کړ
د سيند پر لوري بيا کشپ خپل ځان روان کړ
کشپ ورګډ سو په اوبو او په لامبو سو
د مخ او شا د خپلو پښو په ښورېدو سو
پر لوړه سطحه د اوبو دی په لامبو ؤ
کاسه يې وچه نور بدن يې په اوبو ؤ
لږ وخت چي تېر سو کشپ واورېدل ږغونه
داسي ږغونه چي لړم وهي نېښونه
کشپ ويل لړمه مه کوه وارونه
نه کوي څوک پر خپل محسن باندي بريدونه
لړم ويل نور نېښ وهم دا زما عادت دی
زه يم مجبور چي نېښ وهل زما فطرت دی
کشپ چي واورېد دا جواب نو په غوسه سو
تر اوبو لاندي سو دی کښته په غوټه سو
لړم نعرې کړې چي زه مرم تر اوبو لاندي
ژر مي در وباسه د سيند څخه دباندي
کشپ ويل چي نېښ وهل چي ستا عادت دی
همداسي تلل تر اوبو لاندي زما فطرت دی
همدا ؤ ډوب سو دا لړم د سيند په منځ کي
خوله او سږمې له اوبو ډکي زړه په رنځ کي
نیکي د بل سره کول پر ځان احسان دی
بد رسوونکی په اصل دُښمن د ځان دی

احمدولي اڅکزی، د ۲۰۱۷ کال د مارچ ۸مه نېټه، بون

 

د ماشومانو د منظوم او منثور نکلونه وېبپاڼه
www.kochnai.com

د احمدولي اڅکزي د نکلونو ليسټ او لينکونه
http://bit.ly/2h9CRwc

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه FAQ
http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v

۲۴ وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
لېوه او سپی ـ منظوم نکل

 

خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...