Close

وروستی کور ـ منظوم نکل

source of image: http://bit.ly/2qxleIj

 چي ؤ يو نه ؤ يو نجار ؤ په يو ښار کي
تر ده بهتر بل کارګر نه ؤ په بازار کي
جوړول ده به له لرګي څخه کورونه
د يو شرکت له پاره ښکلي ښه قصرونه
نجار چي زوړ سو نو يې وويل شرکت ته
تقاعد غواړم ټکی ږدم نور مشقت ته
خو د شرکت مشر ويل يو کور لا جوړ کړه
زما شخصي هيله ده احسان راباندي نور کړه
همدا ؤ پېل يې کړ پر نوي کور بيا کار
چي خپل د ژوند وروستی کور جوړ کړي دا نجار
خو هيڅ يې زړه نه لګېدلی پر دغه کار
په زړه نا زړه حالت يې کار وکړ بېکار
ناقص مواد به يې په کار کي کاروله
د کار پر وخت به يې توجه هيڅ نه کوله
همدا ؤ جوړ يې کړ ناقص غوندي يو کور
داسي يو کور چي مسلکي ته ؤ پيغور
د شرکت مشر بيا راوغوښت دا نجار
ويل تا ټول ژوند راته وکړ ډېر ښه کار
دا وروستی کور دا زما له خوا تاته تحفه دی
دا ستا د کار ستا د اخلاص يو نمونه دی
نجار ارمان وکړ ډېر پټ يې موږی لاس
کاشکي مي کړي وای کارونه په اخلاص
نو واوره ګرانه زما وروره دا نکلونه
ورڅخه واخله ته خپل ژوند لره پندونه
خدای چي راکړی موږ ته ژوند پر دې دنيا دی
کښت دا په اصل کي بل ژوند ته د عقبا دی
تر څو چي ژوند کوې لا ساه درپکښي ښوري
د جنت کور ته دي خوارۍ وباسه نوري

احمدولي اڅکزی، د ۲۰۱۷ کال د می ۱۷مه نېټه

د ليکوال يادونه: دغه نکل مي يو چيري په منثوره توګه په انګليسي ژبه کي لوستلی ؤ. اصلي ليکونکی او منبع يې راته نه ده معلومه.

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...