Close

اور او غوښې ـ منظوم نکل

source of image: http://bit.ly/2qOikz0

 
له کاره وروسته يو سړی کور ته روان ؤ
داسـي يو وخت چي د ماښام د لمونځ اذان ؤ
غوښي د مږ سړي اخيستې وې په ښار کي
د قصابانو د کوڅې په لوی بازار کي
وخت د دې نه ؤ غوښي يو چي سـي تر کوره
جمع د لمونځ رانژدې سوې وه لا نوره
همدا ؤ ولاړی دا سړی و جماعت ته
د فرض ادا د خپل څښتن و اطاعت ته
د ماښام لمونځ چي يې ادا ښه په اخلاص کړ
پورته سړي بيا و دعا ته جګ خپل لاس کړ
کور ته چي راغلی نو يې وسپارله غوَښه
ګراني مېرمني ته د ده چي وه ښه خوَښه
خو دوه ساعته وروسته راغله پرېشانه
ويل: هيڅ نه پخيږي غوښي يم حيرانه
ساعته دوه کيږي چي اور ورپسـي بل دی
خو دوی اومې او لا هم سـرې دي دا څه چل دی؟


سړي ويل: دا مي دعا وه جماعت کي
د اور له بيري د څښتن په اطاعت کي
بچ چي له اوره کړي مسجد کي چي موجود ول
ټول حاضـرين که پر رکوع که پر سجود ول
غوښه پر اور چي اوس پرته او لا اومه ده
زما د دعا د قبلېدو لو علامه ده

ګرانه لوستونکې ورسه ته هم ښه وضو کړه
باجماعت لمونځ په مسجد کي په خشوع کړه
دعا دا وکړه په اخلاص د زړه له کوره
خدای چي دي وساتي تا هم له سورکي اوره

د ۲۰۱۷ کال د می ۲۲مه نېټه، بون

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...