Close

يو مُټ اوړه ـ منظوم نکل

source of image: http://bit.ly/2sDkKop

دا چي عاقل دی که بيده ډوب په غفلت دی
عيان خپل خان پاچا وزير باندي ملت دی
پاچا وزير رئيس او نور ټول مـشـران ستا
ايا امين د بيت المال دي اميران ستا؟
ته يې غافل او که عاقل يې؟ دا پُرسان کړه
دغه داستان درته ليکم معلوم په ځان کړه:
زموږ د رسولؐ وروسته مؤمن چي خليفه ؤ
صديقؓ امير ؤ او مامور په وظيفه ؤ
يوه ورځ ناست ؤ پر سترخوان سو په غوښتنه
زوجې له خپلې يې بيا وکړه دا پوښتنه
ويل: شـيرين شـي ته مي زړه کيږي خوشبختي
ايا په کور کي کوم خوږ شی لرې نېکبختي؟
زوجې ويل: خواږه هيڅ نسته، نه ګبين سته
نه موږ خورما لرو نه بل شی کوم شـيرين سته
راشن چي موږ ته کوم راځي له بيت الماله
هغه خالي وي له خوږو او ورته ماله

صديقؓ څو ورځي وروسته بيا ناست پر سترخوان ؤ
ډوډۍ يې پېل کړه دی د خدای چي ثناخوان ؤ
ويني پرته چي پر سترخوان خوږه حلوا ده
تازه خوشبو يې بس په مثل د سلوا ده
صديقؓ همدا ؤ و زوجې ته خپل ګويان سو:
حلوا له کومه سوه؟ هغه په دې بيان سو
هغې ويل: تېر ځلي تا چي کړه پوښتنه
د شـيرين شـي کله چي تا وکړه غوښتنه
يو مُټ اوړه مي سپمول له هغه ماله
هره ورځ کله چي راتلی له بيت الماله
همدا ؤ ومي لېږی څوک نن و بازار ته
اوړه په شير چي د خورما بدل کړي ښار ته
له دې شيرې مي بيا پاخه او جوړ دا شيان کړل
د مُټ اوړو دا معلومات مي اوس بيان کړل
له ډوډۍ وروسته خليفهؓ ووت له کوره
د بيت المال ناظم ته ورغلی پر لوره
ويل: له نن څخه يو مټ اوړه به کم وړې
هره ورځ کله چي راشن زما کور ته سم وړې


په يو مُټ کمو اوړو سوی زموږ ګذران دی
په دې خبره خدای خبر پر موږ نګران دی

چي يې امين صادق خاکساره مـشـران وي
داسي ملت به تل آباد ښه بې (۱) ګذران وي

د ۲۰۱۷ کال د جولای ۵مه نېټه، بون
۱ ـ بې : به يې


* حضرت ابوبکر صديق رض، د رسول الله ص خليفه ملګری او خُسر
يادونه: دغه نکل له حياة صحابه څخه اخيستل سوی، خو پر نظم د برابرولو له پاره په مکالمو کي د الفاظو او جملو ترتيب او انتخاب د اصلي مکالمو سل په سل کي حقيقي انځور او نقل قول نه وړاندي کوي.

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...