Close

تکيه پر چا؟ ـ منظوم نکل

source of image: http://bit.ly/2tgRyji

 ورونو يو سف (ع) چي کله څاه ته اچوی
دی په مُسکا ؤ ځان يې هيڅ نه بچوی
همدا ؤ ورور يې يهودا ورته ګويان سو
دی له يوسفه په سوال او په پرُسان سو
ته ولي خاندې چي دي اچوو کوهي ته؟
له اوبو ډک و تور تاريک او ډوب سهي ته
يوسف ويل: تل به مي دا کول فکرونه
چي رب راکړي لس په شمېر مشران ورونه
ما نازوي ما به ساتي تل له زيانونو
هغوی به ما هيمش ژغوري له تاوانونو
د پلار زامن چي ما هميش بلل ساتونکي
رب مسلط کړل راته نن هم څاه کيندونکي
زه زيات غلط وم پر بنده چي مي تکيه وه
زه بې خبر وم د شيطان دا توطيه وه
اوس مي تکيه ده صرف پر رب هغه کافي دی
ټول ميعادي دي صرف هغه هميش باقي دی
تل مطمئن به وي خوشال ښه به آرام وي
تکيه چي يې صرف پر ذو الجلال والإكرام وي

احمدولي اڅکزی، د ۲۰۱۷ کال د جولای ۱۹مه نېټه، بون

ضروري خبره: د حضرت يوسف ع دغه نکل مي څو ځايه پر انټرنټ د نثر په شکل کي لوستلی دی خو اصلي منبع يې نه ده راته معلومه او غواړم چي راته معلومه يې کړم او يا نو دغه نظم بېرته پاک کړم. که تاسو ته د دغه نکل اصلي منبع او د کتاب نوم معلوم وي، نو هيله ده چي راسره شريک يې کړئ.

يادونه: دغه نظم د يوسف ع او د هغه د ورونو تر منځ د حقيقي او بشپړه مکالمې، موضوع، الفاظو او ويل سوو جملو ترجماني نه سي کولای او نه يې ادعا لري. 

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...