Close

بېلوونکې کرښه ـ منظوم نکل

source of image: http://bit.ly/2tLUR2f

 رشتيا کيسه ده پيښه سوې په بهار کي
په ښکلې کوټه ښکلي بڼ غوندي دې ښار کي
په يو محفل کي راټول سوي مېلمانه ول
دوی ښکلي خلک، مهربان، دوی پښتانه ول
په مشرانو کي حاضر يو لوی قاضي ؤ
دی له خپل ژونده له خپل کاره ښه راضي ؤ
دی لومړی کس ؤ د خپل قوم له خپلې سيمي
چي مقرر ؤ پر دې دندې لو مهمې
په زړه کي درد د خپل ولس ورسره مل ؤ
دی و مظلوم لره کومک دُښمن د غل ؤ
له کندهاره هم راغلی يو ښه ځوان ؤ
له مېلمنو څخه مېلمه پر دې سترخوان ؤ
کله چي پوه سو چي قاضي سړی دانا دی
څښتن د علم د لوی بهر له غنا دی
ويل پوښتنه مي په زړه کي له زیات وخته
داسي راشنه ده لکه پراخه لويه درخته
که اجازه وي زه به وکړم دا پوښتنه
په احترام يې د جواب کوم غوښتنه
نصرالله خان چي کاکوزی د پاکستان ؤ
ده اجازه ورکړه مېلمه ته چي افغان ؤ
مېلمه ويل موږ یو ډيورنډ سره ويشلي
د يو ټبر خلک دې کرښي يو پاشلي
دغه پرهار، زخم ناسور کله رغيږي؟
ويشلی قوم به کله بيا سره يو کيږي؟
کله به پاکه سي دا کرښه بېلوونکې؟
کله به پای مومي خپسکه بېروونکې؟
قاضي ويل: خبره واوره زما وروره
ته علم خپل کړه پوهه خپله کړه بیا ګوره
که کرښه وي که کرښه نه وي ته به جوړ سې
له مرګه پاته به ولس په عزت زوړ سې
ته به مالک، ته به څښتن د لر او بر يې
ته به خپلواک، ته به لارښود د بحر و بر يې
که کرښي نه وي خو بې علمه يو ټبر وي
تل به هوار بيا هم د غم پر لوی ټغر وي

احمدولي اڅکزی، د ۲۰۱۷ کال د جولای ۲۹مه نېټه، بون

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

خپله تبصره لاندي ثبتولای سئ

0
ستاسو تبصره به د مسؤلو کسانو د کنټرول وروسته خپره کړله سي.
  • پر دغه مطلب ته اوسه کومه تبصره نده سوې.
Loading...
Loading...