Close

اور او مرغۍ ـ منظوم نکل

source of image: http://bit.ly/2ARuISH

 په ځنګل کي يوه ورځ بل سول اورونه
سرې لمبې وې هسکي هسکي لکه غرونه
سوځېدل وچ او لانده چي نباتات ول
اور پر بل ؤ لوی واړه چي حيوانات ول
صرف يوه کوچنۍ مرغۍ تله او راتلله
دا له سينده تر ځنګله الوتله
خوله وړه چي به يې ډکه له اوبو کړه
بيا دې خلاصه به مشوکه پر لمبو کړه
ژر په بيړه عاجله او په تلواره
دې دا کار تکراراوه په څو څو واره
بل مرغه دغې مرغۍ ته ډېر اريان سو
بيا هغه دغې وړې ته په بيان سو:
نه پوهېږي چي اور لوی او ته کوچنۍ يې؟
وارخطا يې؟ که کمعقله لېونۍ يې؟
دې ويل: پوهېږم دا چي زه وړه يم
صرف يوه دانه که خورم زه په مړه يم
اور قوي او زه کمزورې ترې بېرېږم
زما تر وس هسکي لمبې دي په پوهېږم
خو بېرېږم چي که رب وکړل سوالونه
په عقبا کي که يې غوښتل احوالونه
چي ما څه وکړه او څه مي ول کارونه
پر ځنګل چي سرې لمبې وې بل اورونه
نو پند واخله له دې نکله ګرانه وروره
ته مسؤل يې که يې هرڅومره کمزوره

احمدولي اڅکزی، د ۲۰۱۷ کال د نوامبر ۱۸مه نېټه، بون

يادونه: دغه لنډ نکل مي د عبدالرؤف حقيار صاحب پر فيسبوک پاڼه لوستلی ؤ.

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...