Close

هود ع ـ منظوم نکل

 منظوم قصص الانبياء ـ ۷مه برخه
حضرت هود ع
ليکونکی: احمدولي اڅکزی

عاد اولی قوم چي ياديږي په نومونو
دا يو قوم ؤ د ساميانو له قومونو
هسک قدونه يې د غړو کبرجن ول
د عاد خلک ډېر قوي او قهرجن ول
جګ محلونه تراشل به يې پر غرونو
ځان ښکاره چي کړي عالي وړونکي د زړونو
دوی لرلې ښه خېمي جګي او هسکي
هم يې مځکي وې زرخېزه ښادۍ نس کي
دوی لرل له مېوو ډک ښکلي باغونه
تل په وينو به يې سره ول تېز تېغونه
قوم د نوح وروسته عاد قوم لومړی مشرک ؤ
د نيکونو پر بد دود سره شريک ؤ
دا ؤ ولېږئ الله دوی ته نبي يو
هود يې نوم ؤ دوی ته نه ؤ اجنبي يو
هغه وويل اې ورونو پيغمبر يم
د الله له لوري زه يو پيامبر يم
هيڅ نه غواړم صرف توحيد ته مي دعوت دی
نه مقصد ستاسو صله نه مي ثروت دی
د الله عبادت وکړئ چي خالق دی
شريک مه نيسئ هغه ته چي مالک دی
هغوی وويل سړی دا درواغجن دی
نه نبي دی نه رسول کوم آسېبجن دی
دی خورک هسي کوي لکه د نورو
بل چښاک يې زموږ په شان دی موږ يې ګورو
دوی ويل دا ناممکن دی چي ژوندي سو
پسله مرګه چي له خاوري پېوندي سو
موږ خو هيڅ هم نه بيريږو له عذابه
موږ واکمن ورځ به نه راځي خرابه
خو هود بيا هم دوی ته وکړل دعوتونه
د عذاب خبرداری نصيحتونه
عاد ويل بېروې موږ چي له عذابه
موږ ته راوله ته ورځ چي ده خرابه
پر موږ يو دي که يې وکړې دعوتونه
او که نه وکړې ته خپل نصيحتونه
دا ؤ بند سول بارانونه او قحطي سوه
مشرک قوم ته د عاد جوړه لو سختي سوه
خو دوی بيا هم کبرجن او کافران ول
شرک کوونکي له توحيده منکران ول
توره ورېځه چي څرګنده سوه آسمان کي
د عاد خلک سوه په هيله په ګومان کي
فکر وکړ دوی چي راغلل بارانونه
ښه زرخېزه ښه ښېرازه دورانونه
خو د ورېځي سره مل ول توپانونه
بد وژونکی جګ آواز او تېز بادونه
اوه شپې او اته ورځي دا عذاب ؤ
مشرکانو ته مهلک چي ډېر خراب ؤ
لکه ونې د خرما چي وي ختلي
د دوی مړي و هر لور ته ول پاشلي
په استثنی د مؤمنانو ټول هلاک سول
عاديان ختم او صرف پاته يې املاک سول

احمدولي اڅکزی، د ۲۰۱۸ کال د اکتوبر ۱۶مه نېټه، بلانکنبېرګه بلجيم

 

د منظوم قصص الانبيا نور نکلونه پر لاندني لينکونو لوستلای سئ:

۱ ـ 
الله څوک دی؟ https://bit.ly/2gdGwu6

۲ ـ ملايکي جنان او ابليس https://bit.ly/2Nh6pUh

۳ ـ سيدنا آدم ع https://bit.ly/2zNe496

۴ ـ قابيل، هابيل او شيث ع  https://bit.ly/2pEQ5Du

۵ ـ ادريس ع https://bit.ly/2OotmKl

۶ ـ نوح ع https://bit.ly/2yyDs0C

۷ ـ هود ع https://bit.ly/2OvJDO1

۸ ـ صالح ع https://bit.ly/2An7TJv

۹ ـ ابراهيم اسمعيل او اسحق ع https://bit.ly/2PpqoGc

۱۰ ـ لوط ع https://bit.ly/2QM2H7z

۱۱ ـ شعيب ع https://bit.ly/2PBgmlu

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...