Close

لوط ع ـ منظوم نکل

 منظوم قصص الانبياء ـ ۱۰مه برخه
لوط ع
ليکونکی: احمدولي اڅکزی

 

لوط وراره ؤ د خليل ډېر تابعدار ؤ
د خپل رب د خپل خالق فرمانبردار ؤ
دا نبي و سودوم ښار ته ور روان سو
د خپل رب امر منونکی پيروان سو
د اُردن سيند ته نژدې آباد دا ښار ؤ
دا مرکز د تجارت او کاروبار ؤ
په دې ښار کي اوسېدونکي خبيثان ول
هم جنسبازه ګمراهان او ابليسان ول
له دوی مخکي هيڅ چا کړي نه ول داسي
نر په نر جنسي قضا چي کوي داسي
په تاريخ کي د انسان بد ظالمان ول
دوی بېساري بدکاران او بې ايمان ول
په کوڅو په بازارو په عام محضر کي
لواطت به دوی کاوه په راهګذر کي
لوط بلل به و تقوا ته سودوميان تل
د خبيث کارو کوونکي دا حاميان تل
لوط ويل چي دی رسول امانتګر دی
اجر نه غواړي له دوی او نه خواستګر دی
ده ويل به بېره وکړئ له خالقه
تقوا وکړئ اطاعت هم له مالکه
خو دوی تل به بد ويل و دې نبي ته
په دې ښار کي اوسېدونکي اجنبي ته
دوی ويل که نصيحت کوې ته وړاندي
موږ به وباسو له ښاره تا دباندي
لوط زحمت وکښ څو کاله په دعوت کي
خو لوطيان هسي پراته ول به غفلت کي
دا ؤ راغلې ابراهیم ته په کنعان کې
درې ملکې په يو وخت په يوه آن کي
ابراهیم فکر کاوه چي انسانان دي
د ده کور ته مېلمانه بااطمنان دي
ګلګی ځکه خليل ورته حلال کړ
ځان نبي د مېلمنو ښه مېلمه پال کړ
نه سامان کوم ورسره نه خره آسونه
بل غذا ته هغوی نه وروړل لاسونه
ابراهيم ځکه نو وبېرېد ترسان سو
دا څه چل دی له خپل ځانه په پرسان سو
ملايکو هله وويل حالونه
ښه خبر چي يې راوړی دی قولونه
دوی ويل چي پيامبري د مالک دي
بشارت ده ته راوړونکي د خالق دي
د اسحق زېری يې ورکړ و خليل ته
و سپينږري دې نبي د رب جليل ته
بيا يې وويل راوړی يې عذاب دی
و سودوم ته يې راوړی ډېر خراب دی
خليل وغوښتل د لوط قوم ته وختونه
ګواندي ومومي اصلاح او ښه بختونه
بل د لوط په هکله دا نبي پرېشان سو
د ميعاد ځکه غوښتونکی په دې شان سو
خو ملکو ويل حکم نه بدليږي
د سودوم عذاب به هيڅ هم نه کمیږي
خو عذاب به صرف راځي پر کافرانو
پر بد فعلو بدکارانو منکرانو
دا ؤ درې واړي ملکې ور رهي سوې
دوی په شکل د زلميانو درو سهي سوې
لوط چي وليدل ښاسته چی درې ځوانان دي
اجنبي و سودوم ښار ته راروان دي
دی ګويان سو دې ځوانانو ته چي مه ځئ
له خبيثو خلکو ډک دې ښار ته مه ځئ
خو ځوانانو ويل موږ ستا مېلمانه کړه
وروسته موږ بيا ته له ښار څخه ستانه کړه
لوط په کور کي دا زلميان درې مهمانان کړل
د سودوم له خلکو پټ يې دا ځوانان کړل
لوط ويل چي که خبر باندي لوطيان سي
دوی به چور پر دې زلمو لکه مېږيان سي
د لوط ښځه سوه مخبره د لوطيانو
د ښار خلک يې خبر کړل له زلميانو
دا ؤ راغلل د ښار خلک په جنجال سول
دوی له لوط څخه غوښتونکی د رجال سول
دوی ويل چي له عذابه نه بېريږي
خدای دي راولي عذاب دوی نه ډاريږي
لوط ته ووايه ملکو ټول احوال دا
چي الله يې بدلوونکی دی بد حال دا
دا ؤ ټول لوطيان ړانده سول په دوو سترګو
تياره راغله د هغوی پر سترګو غبرګو
په تکليف باندي اخته بيا سودوميان سول
په وۍ وۍ د لواطت دغه حاميان سول
ملايکو ويل لوط ته له دې ښاره
ځان وباسه ته تر مخه له سهاره
دا ؤ لوط د لوڼو دوو سره را ووت
مخکي دې چي سهار لمر پر ښار راوخوت
دا ؤ راغله زلزله پر کافرانو
پر بدکارو خبيثانو منکرانو
له آسمان څخه ډبرې لوی لوېدلې
پر سودوم باندي هغوی را اورېدلې
د سودوم ښار هم برباد او هم ويران سو
له لوطيانو څخه جوړ يو لوی ډېران سو
لوط او لوڼو ته نجات ورکړ خالق لوی
له عذاب څخه يې بچ کړل دوی مالک لوی
د خليل سره دی مل په نصيحت سو
لوط نبي وروسته کنعان کي په دعوت سو

 

احمدولي اڅکزی، د ۲۰۱۸ کال د نوامبر ۱۷مه نېټه، بون


د منظوم قصص الانبيا نور نکلونه پر لاندني لينکونو لوستلای سئ:

۱ ـ 
الله څوک دی؟ https://bit.ly/2gdGwu6

۲ ـ ملايکي جنان او ابليس https://bit.ly/2Nh6pUh

۳ ـ سيدنا آدم ع https://bit.ly/2zNe496

۴ ـ قابيل، هابيل او شيث ع  https://bit.ly/2pEQ5Du

۵ ـ ادريس ع https://bit.ly/2OotmKl

۶ ـ نوح ع https://bit.ly/2yyDs0C

۷ ـ هود ع https://bit.ly/2OvJDO1

۸ ـ صالح ع https://bit.ly/2An7TJv

۹ ـ ابراهيم اسمعيل او اسحق ع https://bit.ly/2PpqoGc

۱۰ ـ لوط ع https://bit.ly/2QM2H7z

۱۱ ـ شعيب ع https://bit.ly/2PBgmlu

۱۲ ـ يعقوب يا اسرائيل ع https://bit.ly/2OYfS3s

۱۳ ـ يوسف ع https://bit.ly/2ByNNMD

۱۴ ـ ايوب ع https://bit.ly/2B2RokJ

۱۵ ـ يونس ع https://bit.ly/2SDtbbI

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...