Close

يونس ع ـ منظوم نکل

د يونس ذکر راغلی دی قرآن کي
په څو ځايه بيان سوی دی فرقان کي

منظوم قصص الانبياء ـ ۱۵مه برخه
يونس (ع)
ليکوال: احمدولي اڅکزی


د يونس ذکر راغلی دی قرآن کي
په څو ځايه بيان سوی دی فرقان کي
چي رسول هغه يو ؤ له رسولانو
د خدای دين له خپرونکو مسؤلانو
خدای دی ولېږی و قوم ته په عراق کي
د توحيد پرچار چي وکړي شپه اشراق کي
خو سرکښه ول هغوی نه يې مانه هيڅ
نه يونس نه يې پيغام رشتيا باله هيڅ
د موصل د نينوا د سيمي قوم ؤ
مبتلا هغه په کفر کي هر يوم ؤ
دوی يونس ته ويل نه منو پيغام ستا
ته نبي نه يې پل موږ نه ږدو پر ګام ستا
زيات وختونه يونس وکړل دعوتونه
و دې قوم ته په شمېر زيات نصيحتونه
خو چي پوه سو هيڅ دوی نه مني دعوت يې
دا قوم نه اوري تبليغ او نصيحت يې
خبر ورکړ بيا رسول د لوی عذاب يو
چي راتلونکی دی درو ورځو کي خراب يو
دی چي ووت له دې سيمي په نعرو سول
د قوم خلک و خپل رب ته په توبو سول
دوی ايمان راوړ پر رب د کايناتو
د يونس نبي پر ټولو تعليماتو
دا ؤ نه راوست الله پر دوی عذاب يو
داسي يو چي اعلان سوی ؤ خراب يو
خو يونس په دې خبر نه ؤ رهي ؤ
له دې قوم څخه ناهيلی سم سهي ؤ
بېله امره د خپل رب چي دی روان ؤ
په دې کار کي د يونس يو لوی تاوان ؤ
مسافر سو يونس کېښنست په کښتۍ کي
په اوبو کي طوفاني چي سوه بېړۍ کي
د کښتۍ سپرلو ويل ټوله ډوبيږو
که بار کم نه کړو نو ټول دلته غرقيږو
دا چي څوک به له کښتۍ څخه کوزيږي
پچه واچوله دوی چي څوک تا کيږي
په دې پچه کي بايلونکی چي يونس سو
د سپرلو نورو له خوا هله راتس سو
کب لوی راغلی او ژوندی يونس يې تېر کړ
بې ژوولو يې هغه و نس ته تېر کړ
په توبو په عبادت اخته يونس سو
داسي جوړ عبادتځای د ماهي نس سو
توره شپه وه تاريکه وه په دې کب کي
خو ثنا ويل يونس تل په دې شب کي
يونس تل کول دعا چي بل څوک نسته
بې الله د عبادت لايق څوک نسته
يونس تل ويل چي کړې يې خطا ده
هدايت صرف د مالک له خوا ده
يونس بند ؤ په ماهي کي زيات وختونه
چيري ده چي تل کول عبادتونه
دا ؤ امر پر دې کب وسو چي پرېږدي
د الله دغه نبي پر وچه کښېږدي
د يونس نبي سوځلی ؤ پوستکی
په معده کي د لوی کب د ده پوټکی
ځکه دا نبي ناروغ ؤ سخت رنځور ؤ
د ښور نه ؤ د کړاؤ هغه انځور ؤ
داسي ځای کي کب دی کښېښود چي خالي ؤ
دا يو حکم د خالق رحيم عالي ؤ
په دې وچه کي يې سر سته سوه راپورته
يوه ونه سايه داره د لمر زور ته
له دې وني به خوارک اخيست يونس تل
هم درمل وه هم خوراک موړ به يې نس تل
په څو وخت کي به هوسۍ يوه راتلله
چي شودې يونس ته ورکړي بيا به تلله
دا ؤ روغ سو دا نبي او بېرته ستون سو
خپل اُمت سره يې ليد او پېوستون سو
دغه قوم ټول مسلمان له کفر تېر ؤ
تر يو لک څخه لا زيات د هغوی شمېر ؤ


احمدولي اڅکزي، د ۲۰۱۸ کال د ډسمبر۱۰مه نېټه، بون

د منظوم قصص الانبيا نور نکلونه پر لاندني لينکونو لوستلای سئ:

۰ ـ د ليکوال څو خبري https://bit.ly/2PuohRE
۱ ـ الله څوک دی؟ https://bit.ly/2gdGwu6

۲ ـ ملايکي جنان او ابليس https://bit.ly/2Nh6pUh

۳ ـ سيدنا آدم ع https://bit.ly/2zNe496

۴ ـ قابيل، هابيل او شيث ع  https://bit.ly/2pEQ5Du

۵ ـ ادريس ع https://bit.ly/2OotmKl

۶ ـ نوح ع https://bit.ly/2yyDs0C

۷ ـ هود ع https://bit.ly/2OvJDO1

۸ ـ صالح ع https://bit.ly/2An7TJv

۹ ـ ابراهيم اسمعيل او اسحق ع https://bit.ly/2PpqoGc

۱۰ ـ لوط ع https://bit.ly/2QM2H7z

۱۱ ـ شعيب ع https://bit.ly/2PBgmlu

۱۲ ـ يعقوب يا اسرائيل ع https://bit.ly/2OYfS3s

۱۳ ـ يوسف ع https://bit.ly/2ByNNMD

۱۴ ـ ايوب ع https://bit.ly/2B2RokJ

۱۵ ـ يونس ع https://bit.ly/2SDtbbI

۱۶ ـ موسی ع https://bit.ly/2S9QRVH

۱۷ ـ يوشع بن نون ع https://bit.ly/2Rlveo1

۱۸ ـ خضر ع https://bit.ly/2Fhes2s

۱۹ ـ شمويل ع، طالوت و جالوت، داؤد ع https://bit.ly/2CuBilx

۲۰ ـ سليمان ع https://bit.ly/2OogmRL

۲۱ ـ عيسی ع، زکريا ع او يحی ع https://bit.ly/2FoqaHl

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...