Close

يوشع بن نون ع ـ منظوم نکل

source of image: https://en.wikipedia.org/wiki/Joshua#/media/File:JoshuaSun_Martin.jpg

زيات کالونه په سحرا کي په سفر ؤ
سرګردانه د يعقوب نبي ټبر ؤ

منظوم قصص الانبياء ـ ۱۷مه برخه
يوشع بن نون (ع)
ليکوال: احمدولي اڅکزی

زيات کالونه په صحرا کي په سفر ؤ
سرګردانه د يعقوب نبي ټبر ؤ
ځان سپارنه کي د حق په ملاقات سول
هم هارون او هم موسی دواړه وفات سول
د موسی د مرګ پر وخت چي سل کلن ؤ
کوم سړی چي يې شاګرد تل په لګن ؤ
د نون زوی يوشع نبي سو رهنما سو
اسرائيل ټبر ته مشر دا دانا سو
دی لمسی د افرائيم ؤ ښه محبوب ؤ
کړوسی دی د يوسف ابن يعقوب ؤ
دی شاګرد ؤ د موسی او ډېر ذکي ؤ
په نفس پاک هم ښه بنده ډېر متقي ؤ
د صحيح حديث له مخي «هغه ځوان چي
د موسی سره ملګری ؤ روان چي
او لېدنه يې د خضر سره وسوه
په سوره کي چي د کهف تذکره سوه
دا ملګری د موسی يوشع بن نون ؤ»
چي پخپله بيا نبي سو او ممنون ؤ
دې نبي ته امر وسو چي عيار کړي
يو لښکر د جنګياليو ښه تيار کړي
يوشع وويل خپل قوم ته په بيان سو
جنګيالي راسره مل کړئ دی ګويان سو
خو نه غواړم هغه څوک چي نوی زوم وي
په فکرونو کي د ناوې چي څوک ګوم وي
بل نه غواړم څوک څښتن چي د يو کور وي
داسي کور چي چت يې پاته خو جوړ نور وي
بل دي نه راسره ځي چي دا يې کار وي
د بلاربه څاروی زېږون ته انتظار وي
يوشع غوښتل چي په چاڼ جوړ يو لښکر کړي
داسي يو چي توجه ټول پر سنګر کړي
دا نبي د خپل لښکر سره روان سو
پاکه خاوره چي فتح کړي په کاروان سو
په دې خاوره کي آباد لوی ظالمان ول
سرکښان ول کافران ول نافرمان ول
د کافر او مسلمان تر منځ جنګ پېل سو
په دې جنګ کي د کافر لښکر شاټېل سو
خو پر وخت د عصر پاته ؤ لا جنګ نور
لمر لوېدو ته سو چي کله وخت لا تنګ نور
نو يوشع ويل و لمر ته مامور يې
په غروب ته مکلف څښتن د نور يې
خو زه هم بايد پوره کړم ټول امرونه
په ذمه چي رب راکړي دي کارونه
نو ته مه لوېږه تر څو چي بريا مومو
پر کفارو چي موږ فتح ضيا مومو
د الله په امر ودرېد توقيف سو
لمر ساکن او د کافر لښکر ضعيف سو
دا ؤ فتح په دې ورځ بيت المقدس سو
اسرائيل ټبر ته پاته ځای اقدس سو
امر دا ؤ د الله چي په سجدو سي
دوی داخل و دغه ښار تهپه توبو سي
خو يو شمېر اسرائيليان په ریخشندو ول
دوی په ټوکو په غرور په پسخندو ول
دا ؤ راغلی پر طاعون چي يو عذاب ؤ
د وبا دغه عذاب ډېر بد خراب ؤ
الله رحم باندي وکړ دوی بيا خلاص سول
له طاعون څخه دوی بچ بيا په اخلاص سول
د موسی په رهبرۍ چي يې آغاز ؤ
څلوېښت کاله کوم سفر چي اوږد ناساز ؤ
بالآخره کوم سفر چي اوږد عيان ؤ
د يوشع په رهبرۍ کي يې پايان ؤ
اسرائيل ټبر سو مېشت بيت المقدس کي
ژمنه سوي ښکلي ځای پاک او اقدس کي
چي يوشع نبي درې کم سل دېرش کلن سو
نو د مرګ سره يې هله بيا مِلن سو

احمدولي اڅکزی، د ۲۰۱۸ کال د ډسمبر۳۰مه نېټه، بون

 

د منظوم قصص الانبيا نور نکلونه پر لاندني لينکونو لوستلای سئ:

۰ ـ د ليکوال څو خبري https://bit.ly/2PuohRE
۱ ـ الله څوک دی؟ https://bit.ly/2gdGwu6

۲ ـ ملايکي جنان او ابليس https://bit.ly/2Nh6pUh

۳ ـ سيدنا آدم ع https://bit.ly/2zNe496

۴ ـ قابيل، هابيل او شيث ع  https://bit.ly/2pEQ5Du

۵ ـ ادريس ع https://bit.ly/2OotmKl

۶ ـ نوح ع https://bit.ly/2yyDs0C

۷ ـ هود ع https://bit.ly/2OvJDO1

۸ ـ صالح ع https://bit.ly/2An7TJv

۹ ـ ابراهيم اسمعيل او اسحق ع https://bit.ly/2PpqoGc

۱۰ ـ لوط ع https://bit.ly/2QM2H7z

۱۱ ـ شعيب ع https://bit.ly/2PBgmlu

۱۲ ـ يعقوب يا اسرائيل ع https://bit.ly/2OYfS3s

۱۳ ـ يوسف ع https://bit.ly/2ByNNMD

۱۴ ـ ايوب ع https://bit.ly/2B2RokJ

۱۵ ـ يونس ع https://bit.ly/2SDtbbI

۱۶ ـ موسی ع https://bit.ly/2S9QRVH

۱۷ ـ يوشع بن نون ع https://bit.ly/2Rlveo1

۱۸ ـ خضر ع https://bit.ly/2Fhes2s

۱۹ ـ شمويل ع، طالوت و جالوت، داؤد ع https://bit.ly/2CuBilx

۲۰ ـ سليمان ع https://bit.ly/2OogmRL

۲۱ ـ عيسی ع، زکريا ع او يحی ع https://bit.ly/2FoqaHl

 

د ماشومانو د منظوم او منثور نکلونو وېبپاڼه
www.kochnai.com

د کوچنی ټکی کام د نکلونو ليسټ او لينکونه
http://bit.ly/2ppNEpJ

د احمدولي اڅکزي د نظمونو ليسټ او لينکونه
http://bit.ly/2h9CRwc

د ماشومانو له پاره د نظمونو ليسټ او لينکونه
http://bit.ly/2tfIG1u

د قاموسونه ټکی کام ټول اعلانونه
http://bit.ly/2fZf7dO

د تکراري سوالونو جوابونه
FAQ http://bit.ly/1IZm3uV

د قاموسونه ټکی کام څخه د کار اخيستلو ويډيو
http://bit.ly/2gXsf0v۲۴

وړيا پښتو قاموسونه د اندرويد موبايل له پاره
http://bit.ly/1IFKLAw

د آی فون لپاره هم د پښتو قاموسونو اېپ خپور سو
http://bit.ly/1T2nC0U

«جادو ته ورته» د پښتو قاموسونو پروګرام آنلاين سو
http://bit.ly/2dUVS3U

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

Loading...
Loading...