زه نه پوهېدلم، هغه صحيح ويل...

ستا نفس زيات وختونه ستا په هکله په ناحقه او ناسمه توګه حتا «غيرسالم» اړخونه او څيزونه مثبت درته ښيي

 کله چې ماشوم او لا په سويلي پښتونخوا کې وم، نو له نژدې خپلوانو به يو کس بعضې وختونه په غېر ارادي توګه په خبرو کې د «نورمال» لغت کاراوه. ماته به ډېره عجبه معلومه شوه او لږ به په ځان کې په دغه کس وشرمېدم چې هغه د انګرېزي لغت «نورمل» ته «نورمال» ولې وايي؟ ما فکر کاوه چې زما ښه انګرېزي زده ده، او دغه کس ناحقه دغه لغت غلط تلفظ کوي.