په ليري کلي کي هلک يو ډېر زړور ؤ
هم هډور هم په همت کي زورور ؤ
يادونه: دغه او نور منظوم او منثور نکلونه پر کوچنی تکی کام www.kochnai.com هم لوستلای سئ
په ليري کلي کي هلک يو ډېر زړور ؤ
هم هډور هم په همت کي زورور ؤ
ورته هلکانو يوه ورځ ويل چي راسه
د لوبو ځای د سيند و غاړي ته نن راسه
مور د هلک ورته ويل چي اجازه ده
لوبي ته وکړه خو زما دا توصيه ده
له هر خطره به ځان ساتې زما زويه
د ځان ساتنه وظيفه ده يوه لويه
چي ځان دي بايلود بې معنا مځکه آسمان دی
روغ چي دي ځان وي زما ګله روغ جهان دی
د خپلې مور لاس يې ور مچ کړ دعاخوان سو
هلک له مور څخه رخصت او راروان سو
کله چي ورسېد هلک د لوبو ځای ته
سيند ته نژدې سو بيا هغه د کلي پای ته
دوستانو وويل چي نن به موږ لامبو کړو
سينه به څيري په لاسو موږ د اوبو کړو
خو هلک وويل چي سيند نن په څپو دی
ممانعت بل زما له کوره پر لامبو دی
لامبو مي نه ده زده زه ځان له اوبو ساتم
بل نافرمان نه يم زه ځان له لمبو ساتم
خو د هلک دوستان بيا ټول په پيغورو سول
ويل انجلۍ يې که هلک په مسخرو سول
هلک ويل که زما دوستان ياست زما ملګري
د ژوند قمار مه وهئ واورئ زما خبري
خو هلکان پسله يو بله په ټوپو سول
د ياغي سيند دننه دوی بيا په غوټو سول
لږ وخت چي تير سو په دوی ګډه واويلا سوه
د دوی خواستونه سول او چيغي او ژړا سوه
هلک چي وارېده ژړا او فريادونه
هېر يې سول هله د بابا نصيحتونه
بيا يې د سيند اوبو ته ټوپ کړ چي کومک سي
دوستان خپل وژغوري و نورو ته سبق سي
خو د څپو له زوره دی هيڅ خبر نه ؤ
واک د هلک د يو خاشې برابر نه ؤ
په فريادو چي د هلک ټول نور دوستان ول
ژوندي سول پاته چي رشتيا لوی خوشبختان ول
خو هلک ډوب سو ژوند يې بايلود په ناحقه
څپو اخيستی ؤ ډېر سپک لکه ورقه
پندونه واخله د نا اهلو له کرداره
ترې ليري ګرځه بدلوه ورڅخه لاره
که باهمت او باکرداره يې ځان ګوره
د نافرمانو له دوستۍ څخه ځان ژغوره
احمدولي اڅکزی، د ۲۰۱۷ کال د مارچ ۲يمه نېټه، بون
د احمدولي اڅکزي د نکلونو ليسټ او لينکونه
http://bit.ly/2h9CRwc
د قاموسونه ټکی کام ټول اعلانونه
http://bit.ly/2fZf7dO
د تکراري سوالونو جوابونه FAQ
http://bit.ly/1IZm3uV
د قاموسونه ټکی کام څخه د کار اخيستلو ويډيو
http://bit.ly/2gXsf0v
۲۴ وړيا پښتو قاموسونه د اندرويد موبايل له پاره
http://bit.ly/1IFKLAw
د آی فون لپاره هم د پښتو قاموسونو اېپ خپور سو
http://bit.ly/1T2nC0U
«جادو ته ورته» د پښتو قاموسونو پروګرام آنلاين سو
http://bit.ly/2dUVS3U
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د کاپي کولو په صورت کي د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د دغه وېبلاګ لاندنۍ نوري ليکنې هم ولولئ:
ګبين که زقوم ـ منظوم نکل