ليري يو پروت کلي کي جوړه ننداره وه
خلک راټول ول زمزمې وې ډمامه وه
ليري يو پروت کلي کي جوړه ننداره وه
خلک راټول ول زمزمې وې ډمامه وه
يو ځوان ته پړی يې اچولی ؤ په غاړه
چا پر يو لوري کشاوه چا پر بل لاره
چا د ورستو روميانو کړل باندي وارونه
چا په سوټيو ورکول ورته ضربونه
چا تو کولې باندي ناړي له نفرته
چا اورول ورته ښکنځل په لوی کثرته
دلته راپېښ يو مسافر سو ډېر حيران سو
ويل دا څه دي و يو چا لره ګويان سو
هغه ويل نيولی موږ يو جادوګر دی
جادوګر څه چي د ابليس دا برادر دی
داسي تابلو يې جوړه کړې ده له ځانه
بدرنګ ترين شيطانان ښيي له جهانه
د کلي هر چا چي ليدلی دا انځور دی
ډېر بېرېدلی رواني نوی رنځور دی
دغه تابلو هر چا ته ښيي بل شيطان
څوک ږيرور څوک لغړ زنی ابليس ځوان
دغه سړي بيا اشاره وکړه يو لور ته
ويل تابلو هلته ځړيږي نژدې کور ته
مسافر ورغلی چي وګوري تابلو دا
تابلو دا نه وه آئينه وه يوه لو دا
احمدولي اڅکزی، د ۲۰۱۷ کال د اپريل ۳۰مه نېټه، بون
د کاپي کولو په صورت کې د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زما د فيسبوک پاڼه لاندې موندلای شئ:
