زېری مي درباندي خلکو دا واري اختر سو
شکر شکر شکر چي پخلا زوړ مرورو سو
زېری مي درباندي خلکو دا واري اختر سو
شُکر شُکر شُکر چي پخلا زوړ مَرَوَر سو
ماته شيطاني حلقه بدبخته سوه اې خلکو
دا واري د کلي هر وګړی بختور سو
هيڅ د غم لمانځنه نسته خلکو واورئ واورئ
ټول وطن عيدګاه دی غم له کلي مو بهر سو
بيا به د پاوليو او خندا شرنګهار خپور سي
ولاړی غماز ولاړی بيا رويبار رويبار ګودر سو
اوس به زه رامبېل چامبېل ګلونه پر اوډمه
ورک چي د ليلا له سينې تور بدرنګ پرهر سو
اوښکي د خوښۍ مي نه دريږي، زړه مي چَوي
وچاودې سپېدې پر تاريکۍ او سپین صحر سو
لنډ غوندي که خوب دی تر خپسکي ډېر بهتر دی
ښکلی چي تعبير لري ډېر ژر به په خبر سو
احمدولي اڅکزی، د ۲۰۱۸ کال د جون ۹مه نېټه، بون
د کاپي کولو په صورت کې د دغه ليکنې اصلي لينک او د ليکوال نوم يادول ضروري دي.
Legal Note حقوقي يادونه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
زما د فيسبوک پاڼه لاندې موندلای شئ:
