مشترکه ژبه کفايت نه کوي

 صرف مشترکه ژبه د خپلمنځي پوهاوي او تماس نيونې لپاره کفايت نه کوي.

صرف مشترکه ژبه د خپلمنځي پوهاوي او تماس نيونې لپاره کفايت نه کوي. مشترک افکار، مشترک هويت، مشترک ارزښتونه، مشترک زمان/عمر، مشترک مکان، مشترکي تجربې، مشترک کړاونه او مشترکي ستونزې د دوو اشخاصو يا ډلو تر منځ په پوهاوي او يو د بل په درک کولو او په اصطلاح «يو د بل په ژبه پوهېدلو» کي ډېره مرسته کوي. خو که له يادو مشترکاتو څخه يو يا زيات تر منځ نه وي موجود، نو ښايي د يوې مور بچيان او د يوې ژبي ويونکي په سمه توګه «يو د بل په ژبه» سره پوه نشي او يو بل درک نه کړلای شي.

احمدولي اڅکزی، د ۲۰۲۲ کال د اکتوبر ۱۶مه نېټه

___________
دغي ليکنې ته لنډ لينک:
https://t1p.de/cqexi
___________